Новости Атырау - Мунайлы Астана

    22 ноябрь 2017, 15:09
      Аймақ 14.08.2017, 18:27 0 пікір 511 просмотров

      Атырауда Жайықтың сол жағында жаңа аудандар бой көтереді

      Бұл туралы  Атырау облысының әкімі Нұрлан Ноғаев құрылысшылар күніне арналған салтанатты жиында айтты.


      "Атырау қаласының 2030 жылға дейінгі жаңа бас жоспары бекіді. Соған сәйкес қаланың дамуы екі бағытта жүреді. Бірінші бағыт бойынша, орталықтағы – облыстық әкімдіктің жанындағы ескі үйлердің орнына 470 гектар жерде жаңа құрылыс нысандары салынады, екінші бағыт бойынша, Бесікті, Талғайраң ауылдары бағытында Жайықтың сол жағында жаңа аудандар бой көтереді", – деді облыс әкімі.

      Салтанатты шарада аймақ басшысы құрылысшыларды төл мерекесімен құттықтап, сала ардагерлеріне "Құрметті құрылысшы", "Тұрғын-үй құрылыс саласының құрметті қызметкері" төсбелгілерін, Инвестициялар және даму министрі және Атырау облысы әкімінің алғыс хаттары мен министрліктің медальдарын табыстады.

      "Аймақта былтыр 540 мың шаршы метр құрылыс нысаны пайдалануға берілді. Бұл Елбасының халықтың әл ауқатын көтеру, өмір сапасын жақсарту жөніндегі тапсырмаларын орындаудағы қомақты үлестеріңіздің нәтижесі. Биылғы меже одан да асады. Сіздерді төл мерекелеріңізбен құттықтап, алда тұрған міндеттерді орындауда күш-жігер, еңбектеріңізге жеміс тілеймін", – деді Нұрлан Ноғаев.

      Айта кетелік, құрылысшылар күні жыл сайын тамыздың екінші жексенбісінде атап өтіледі. Биыл бұл мереке 13 тамызда тойланбақ.

      Атырау облысы әкімі баспасөз қызметінің маманы Еркебұлан Сатқанбай Анарбекұлы,

      Пікірлер

      Пікір қосу

      ДОБАВИТЬ ОБЪЯВЛЕНИЕ

       
      Введите пять букв размещенных внизу:
       _____       ___               __   __    _____   
      |  __ \\    / _ \\    ____     \ \\/ //  |__  //  
      | |  \ ||  / //\ \\  |    \\    \ ` //     / //   
      | |__/ || |  ___  || | [] ||     | ||     / //__  
      |_____//  |_||  |_|| |  __//     |_||    /_____|| 
       -----`   `-`   `-`  |_|`-`      `-`'    `-----`  
                           `-`                          
      
       
      Наверх